謝霆鋒、張柏芝與王菲的三角關係認真撲朔迷離，霆鋒在法拉利座駕撞毀的同日傍晚，被目擊在泰國曼谷與柏芝拖手逛街，但據悉霆鋒前晚已先行返港會王菲，昨晚霆鋒更直認曾往泰國拜神。昨日返港的柏芝對泰國之旅則不願回應，但她卻表現得十分風騷。
謝霆鋒的法拉利跑車日前在中區撞毀，一輛懷疑屬於柏芝的平治座駕當時亦在現場。但同日下午霆鋒的女友王菲，卻在深圳對霆鋒的車撞毀一事表現愕然，似乎對事件毫不知情。當日傍晚更有香港遊客目擊霆鋒與柏芝在泰國曼谷手拖手逛街。
據悉，霆鋒前晚留下柏芝一人在泰國，自己先行返港，並第一時間去會女友王菲，實行左右逢源。
而柏芝則於昨日下午十二時許，抱着一隻大熊人公仔與胞弟張柏文及一名友人從泰國返抵香港。柏芝甫見記者即不停用毛公仔遮着她曬得紅彤彤的面頰，初時記者問她是否從泰國返港時，柏芝一直默不作聲，後來她說：「我唔係唔想答你呢個問題，不過如果答咗就重多嘢寫。」
問柏芝與霆鋒在泰國手拖手逛街一事，柏芝答：「我未睇報紙，呢個問題唔會答你。」
而提到霆鋒的法拉利跑車撞毀時，柏芝即說：「我唔會答。」
雖然柏芝面對記者的提問顯得有點不耐煩，但她昨日明顯心情不俗，更主動詢問記者說：「你哋係咪日日有記者喺機場？今日等邊個呀？等我呀，咁叫你啲手足唔好去我屋企等啦。」
其間有路過市民向柏芝打招呼，柏芝亦笑容滿面地回應及揮手。柏芝登車離開機場前，又忽然風騷地對記者笑說：「你哋一定寫我春風滿面啦。」
此外，皮膚明顯曬黑的霆鋒，於昨晚九時許到達灣仔會展出席《戀愛行星》首映，對於與柏芝拖手遊泰國一事，他三次強調說：「感情嘅嘢我冇呃過人，冇欺騙過人。」
霆鋒又說：「我好慘，形象咁花弗，總之感情唔講呀。」談到與王菲是否還是情侶時，霆鋒說：「你問佢啦，佢唔答我都唔答。我冇負任何人。」
霆鋒又直認曾到泰國，他表示因自己近日有很多病痛，又說：「我係有去到泰國，因為撞車單嘢我同媽咪去還神，重有成班朋友，有男有女。」問柏芝有否同行及與她有否發展可能時，霆鋒說：「感情嘅嘢我唔講，我錫佢就好似妹妹咁，未來嘢我唔講。」
再問霆鋒回港後是否曾找過王菲，他說：「咁講好尷尬，佢唔舒服咗一排。」
至於日前法拉利跑車撞毀，霆鋒表示當時是司機駕駛，但卻說漏了嘴道：「點解咁大件事，因為我係謝霆鋒……我自己撞咗……唔係，係司機。」
採訪：馮美茵、何永寧
攝影：陳慧安、陳偉權、林德雄、娛樂突發組