期指結算前夕，尾市突然抽上，由10750抽到去10848，出現近期少見嘅高水62點。短期形勢會轉番好。
中移動（941）最低22.80元，收22.95元，跌25仙。Call輪走喺正股前頭，最多交投嘅Call輪9029，只跌0.5仙，收25.5仙，叻過正股，意味正股好快趣上番去。事實上，自宣布末期業績以後，中移動由25.50元碌落嚟，唔見1成有多，技術性反彈即將出現。
中移動另1隻Call輪9044，跌得多過9029，收31仙，跌1.5仙。博正股帶動，買9044抵過9029。
新地（016）除息55仙，最低57.25元，尾市上番58.25元全日最高價收市，升突30仙，全日波幅1元。新地熱門Call輪9115高低36.5仙同32.5仙，波幅12%，收36仙，升3%。長實（001）最低67.50元，收68.50元，升25仙。恒地（012）亦升50仙。
地產股轉勢，長實Call輪可博反彈，揀啲成交最多嘅埋手，頭號對象係9063，8月到期，現價37.5仙，溢價10.9%，槓桿率18.3倍，好有爆炸力，其次係9043。