阿芳和文女士，同樣經歷婚姻失敗，心靈飽受創傷之餘，經濟亦頓陷困境。兩名跌進人生谷底的失婚婦，除獲蘋果日報慈善基金即時撥款紓困外，亦同獲善長捐款表達關懷，令她們感受到人間溫情。
個案一︰ 「早幾日我老公返過嚟探過兩個仔女，我哋亦好心平氣和坐低傾過，做咗咁多年夫妻，希望可以有彎轉啦！」三十六歲的阿芳歎着氣說。
阿芳和丈夫結婚六載，婚姻於半年前驟起波瀾，夫妻目前正分居，由她獨力照顧一對五歲和三歲的子女。
婚姻亮起紅燈，加上罹患膽石，令阿芳的情緒一度大受打擊，且因失去經濟支柱，三母子的生活經歷前所未有的困境，蘋果基金較早前撥款一萬元助她解困。
阿芳表示︰「多得啲朋友開解，心情都平復咗好多；𠵱家最擔心兩個細路，過兩日我要入院割膽石，驚有乜事，佢哋冇人照顧。」
記者日前將一筆合共四千八百元讀者捐款轉交阿芳簽收。
她感激地說︰「好多謝大家雪中送炭，我哋三仔乸重未申請到綜援，手頭上啲錢又用得七七八八，呢筆錢真係幫到我哋好多。」
捐款編號︰C0429
個案二︰ 「估唔到市道真係咁差，搵咗工足足半年，一份都冇回音，與其坐以待斃，惟有𠵱家暫時轉行做小販，希望唔使餓死。」五十四歲的文女士對記者說。
一頭銀髮的文女士，婚姻觸礁多年，一直靠任職酒樓雜工自力更生；無奈半年前，她不幸被公司辭退，兩名兒子又自顧不暇，令她一度拖欠租金雜費，生活頓失所依。
在文女士彷徨之際，蘋果基金發放一萬元以解燃眉之急。日前，記者再將一筆合共三千九百三十五元的善款轉交她簽收。
「𠵱家社會福利署每個月幫我二千元，其他就要我自己搞掂；我喺街邊賣炒米粉，一日先賺三、四十元，生活都好艱難。」文女士由衷地說。
捐款編號︰C0408
暖流熱線
電話：29908688
傳真：23702192
電郵：
網址：