李嘉欣昨日出席保時捷新車展覽活動，其間嘉欣睇中一部約值一百一十五萬的911Targa，但她揚言只是欣賞而不會購買。此外，嘉欣亦即場提供如何擊退飛車黨的妙法。
香港保時捷中心昨日於中環置地廣場舉行「強勢列陣、魅力閃耀全城」車展，展出五部最新保時捷系列，包括價值二百二十八萬的911GT2、約一百五十八萬的911Turbo，以及約值一百二十萬的911Carrera4S等，出席嘉賓除了城中車迷馬清揚、李萬祺和盧永仁外，李嘉欣亦以特別嘉賓身分出席。期間嘉欣對一百一十五萬元的保時捷911Targa特別情有獨鍾，但她揚言只是欣賞，不會考慮購買。
嘉欣的風頭不比現場的跑車遜色，記者問她駕車時有否試過被人撩鍊車時，她說：「梗係有啦，我有一個不敗秘訣，就係你唔好中佢哋計，唔好同佢哋鬥快，反而重要收油㖭，嗰啲人就會冇癮，唔再搞你㗎啦！」
李嘉欣續道：「早幾年我好熱衷買靚車，一有新款到港就心思思去試車，但係𠵱家熱情減退，啲跑車都賣晒，淨係剩番一架七人車開工用，另外一部房車就留畀屋企人。」
同場出現的馬清揚，則鍾情於價值二百二十八萬的911GT2，對於近日其兄嫂馬清偉和薛芷倫負面新聞不斷，他說：「佢哋嘅事唔關我事。」而問到有否舉行家庭會議詳談時，他竟說：「有家庭會議，遲啲咪約埋一齊拜山囉，不過我哋梗係唔會喺正日去啦，唔通俾你哋跟咩！」
採訪：梁錦雯
攝影：羅德光