煲呔曾噚日喺廣州訪問，六、七個行程，真係辛苦。不過，八方嘅行家就唔使咁，皆因佢哋規定只能採訪部分行程，所以唔使撲嚟撲去。
其中一個係參觀廣州車站，大家都冇得採訪。幸好行家們八吓八吓都知道大概發生乜事。原來粵方封咗三個地鐵車卡畀煲呔等人坐，而佢哋坐咗六個站。
聞說售票員知道煲呔大駕光臨，唔收佢錢，反而煲呔唔好意思話想畀錢，而最後梗係唔使錢啦，話雖如此，但一些大陸市民都不知煲呔係邊個，只知道有好大班人圍住。如果港記喺度，睇怕加加埋埋有七、八十人㖭。
（圖）煲呔一行人坐廣州地鐵，但售票員卻堅持唔收佢錢。
E-mail：