最近，福特車廠推出咗新款FocusST170型號；一台經過調校嘅2.0公升引擎，所發出嘅170匹馬力，配合一套6前速手動波箱，因而新車嘅性能表現更見出色。
雖然驟眼望去，全新FocusST170嘅造型與原有Focus車系相近；但當你細心留意下，就會發覺新車改配上四輪17吋跑車合金軨外，廠方更為其裝上一套跑車化懸掛組合，除能令新車可有不俗嘅循迹表現外，亦可予人有靠貼地面之感。車廂布局亦來得極富活力感，除與原有Focus一樣來得寬敞實用外，更備有承托力高嘅座椅，乘坐亦見舒適㗎。
不過相信最吸引嘅，都係新車所採用嘅一台2.0公升引擎，經廠方調校後馬力輸出增至170匹，配合一套6前速手動波箱，因而令新車有不俗嘅性能表現；加上前文提及嘅跑車懸掛系統，亦可讓新車有更佳嘅循迹表現。若新車能抵港的話，相信定能惹來不少車迷垂青㗎。