梁伏戀煲咗咁多日，睇怕讀者都可以唞一唞，留待下回新發展。不過，大陸仍然重有新聞尾，將香港嘅報道炒作一番，重有啲將阿松嘅生日星座作出發點，大半版分析佢同女友嘅戀愛運程。
呢篇報道喺一份叫《新快報》嘅體育版出現。有乜發現？佢哋嘅愛情指數有89分，雙方心靈相通，亦有獨立想法。不過喺投資同健康方面嘅分析好騎呢，「梁錦松與伏明霞的關係，因慾念未獲滿足而蒙上陰影。最好不要作合作計劃。」其配合指數只有50分。至於所指何事，大家只好各自詮釋。
另外，重有唔少讀者撰文講佢哋，其中有人就話伏明霞嘅鄉下武漢，出生嘅人有三個特點：靚、精明同脾氣大。但伏明霞只有靚同體育精神，其餘特點就唔多見有。
E-mail：