李珊珊和馬德鐘昨日往銅鑼灣名店坊，出席大來信用卡宣傳活動。李珊珊更獲發該公司的信用卡，她表示今次是她第一次擁有信用卡，向來都只是用現金，她說：「我唔會先使未來錢，今次呢張卡都係當留念，如果有緣分先至會用。我平日最少都會有四位數嘅現金喺身。」
李珊珊續說：「上次我生日玩得好夜，跌咗個銀包，入面有成五位數字嘅現金，好鬼肉痛。袋得錢多雖然危險，不過㩒機最多只係攞到兩萬蚊，碌卡就可以碌好多，我唔想變負資產吖！」
李珊珊早前曾經想考電單車牌，但現時已經打消念頭，她說：「我識嘅朋友入面，十個有牌嘅九個都炒車，所以𠵱家唔諗住。」 採訪：陳梅香