【本報訊】梁伏戀愛火燒得熾熱，並「燒埋」二人共同好友葉靜子。這位中共元老葉劍英的孫女，在這宗轟動全城的戀情公開後，就被傳出不再做伏明霞的經理人。跳水皇后早前曾氣沖沖的質問「到底是誰在玩甚麼玩意？」昨日身在紐約正為生意忙着的葉靜子，就淡淡然地說：「我唔想牽涉太多！」
上周末，梁伏戀公諸於世之後，一度被傳與財政司司長梁錦松拍拖的葉靜子，都沒有跟記者說過一句話，直至昨日香港時間正午，紐約時間的午夜，記者才找到她。
葉靜子的聲調還挺開朗的：「公司同事已經通知我關於伏明霞同梁錦松嘅戀情，我都替佢哋高興，因為一直以來，我都知佢哋發展緊，我衷心祝福佢哋，希望外間畀多啲空間佢哋發展。」
記者再問：「伏明霞不滿你喺冇通知佢嘅情況下，唔再做佢嘅經理人……？」未等記者問完，葉靜子已搶着說：「其實佢哋公開戀情係開心嘅事，我唔想牽涉太多，所以其他嘅嘢一概唔回應。」說到這裏，葉靜子的聲調突然沉下來，對話也隨即中斷了。