立法會昨天開特別財務委員會，講解財政預算案，近來甚少喺香港露面的駐京辦主任梁寶榮，亦特登返落嚟香港同立法會解釋駐京辦開支問題。
成班記者見到來自北京的梁寶榮，就梗係問佢有冇喺北京見到阿松同伏明霞拍拖，有冇同佢兩個食過飯？點知梁寶榮笑笑口話佢唔講其他人的事，冇咁「八卦」，只肯講佢喺北京淨係同阿松食過飯，其他就乜都唔講。
佢重話有京城朋友問佢「乜香港冇新聞咩？」點解要將梁伏戀搞到咁大件事，幾版幾版咁報道，連京城大小傳媒都拎住香港報紙大抄特抄！
（圖）梁寶榮只肯講喺北京同阿松食過飯，其他事一於封嘴。
E-mail：