噚日長實喺黃埔嘅蔡瀾美食坊著名食府鼎泰豐，宴請傳媒兼推廣泓景臺在復活節的睇樓享美食活動。正當入座之際，新地三大賣樓巨頭，周國賢、蘇仲強和林寶彤（圖）忽然駕到，同行要員相遇，以為有大計商量，原來只是巧合。
噚日利嘉閣測量師行中環總行開幕，開放全港最大嘅拍賣場，但同一日中原地產就響報紙登咗個全版廣告，話響中環開咗個工商舖銀主展銷會。最「筍」嘅幾十個銀主盤，重會有埋位置圖、樓盤外貌相、平面圖同基本資料，夠晒詳盡。
信和以頭兩年每呎月供1元付款法做賣點嘅馬鞍山海典灣，吸引好多買家採用，中原馬鞍山分行經理黃英添就係其中一個，佢以139.8萬買咗3座低層F室，面積501方呎。
新地公布中期業績前，搞咗個網上問卷調查，參與者都會有禮物，蘭西同事噚日就收到800蚊折扣優惠券，新地嘅傳訊總監劉美梅重每封信都親自簽名。
蘭西