梅艷芳母親梅覃美金（梅媽）前晚在尖沙嘴慶祝七十八歲生日，筵開二十席，跟梅媽未有交情的陳昭昭和鄭艷麗打扮性感前來賀壽，逗得「壽星婆」十分高興。梅艷芳雖然沒有到場，但她都有送禮物及支付壽宴約七萬元費用。
梅艷芳（阿梅）的母親梅覃美金（梅媽），前晚在尖沙嘴翠園慶祝七十八歲生日，胡楓、盧希萊夫婦、陳昭昭、鄭艷麗和阿梅舊愛林國斌等均有出席壽宴，但阿梅卻沒有到場。梅媽的壽宴筵開二十席，每席約三千五百元，埋單約七萬元。梅媽表示阿梅會為她支付壽宴的費用。
鄭艷麗和陳昭昭跟梅媽不稔熟，可是卻出現梅媽的壽宴，原來她們都是應盧希萊的邀請，前來為梅媽祝賀。二人都打扮性感，搶去主人家不少風頭。
陳昭昭給梅媽送上利是做賀禮，她說：「我同梅媽唔熟，之前未見過，係盧希萊請我嚟。我本身好喜歡阿梅，好欣賞佢嘅歌。」鄭艷麗表示最近都有拍電影，但她卻說：「我嘅工作係搵男朋友！」
問到梅媽的生日願望，她說：「香港搵到食，大家有得食，冇人失業。」對於阿梅禮到人未到，梅媽說：「佢要為演唱會排舞，叫我唔使等佢。阿梅有送禮物畀我，但係送乜嘢就唔講得。呢次壽宴阿梅畀錢，佢細個食我，大個我食佢囉！」
梅媽又說：「阿梅好忙，錢真係唔易賺，要好好珍惜。佢咁瘦最緊要湯水補氣力，燕窩只係養顏。我都有叫佢唔好掛住做，錢係搵唔晒。我唔心急阿梅結婚，急唔嚟，所有嘢講緣分。」
採訪：李珮洳
攝影：陳慧安