許志安前年底以一千八百五十萬購入跑馬地禮頓山一個單位，原本準備與父親入住，但因其父不太喜歡在港島區居住，最後安仔將此單位放盤，日前以約一千九百萬出售，雖然帳面賺了五十萬，但扣除手續費後，實際約蝕四十二萬。
許志安（安仔）在九七年以一千八百萬，購入現居的何文田帝庭園單位，但在前年底安仔又以一千八百五十萬買入跑馬地禮頓山一個二千二百餘呎單位，當時他曾表示父親很喜歡馬，而禮頓山能飽覽馬場全景，所以一向孝順的安仔便想將此豪宅送給老父。
但昨日地產界消息，指安仔這禮頓山單位成功以約一千九百萬出售，雖然帳面賺了五十萬，但在扣除手續費後，實際約蝕四十二萬。
日前許志安與蘇永康到新加坡為一個腎臟基金義演，許志安昨日回港，對於禮頓山單位放盤，他表示：「我初時買呢間屋係為阿爸，上個月我同佢講，下個月應該可以搬入去住，問佢有冇問題，阿爸話擔心搬過海住，啲朋友未必肯過海搵佢。其實阿爸唔多想搬，雖然佢話我住邊，佢住邊，但我始終會擔心佢唔慣，所以最後我都決定唔搬，趁正式供樓前將間屋放盤，𠵱家層樓賣出只係蝕四十幾萬，我覺得都唔算好多，錢財只係身外物，最緊要阿爸開心。」
此外，許志安在新加坡與蘇永康的慈善表演，他說：「我喺新加坡逗留咗一日，嗰邊啲反應幾好，歌迷好熱情，做完呢個表演就即刻返嚟香港。」