關於超人李嘉誠做唔做政協副主席一事，原來真係好多好多人關心。話說上個禮拜八方報道雲大棉在電話中對超人「曉以大義」，令超人「醒悟」後，各方好友不停報料，真係幾精采。
非常可靠嘅閒人話，李超人主動打電話畀雲老，原因係雲老寫咗封短信畀過佢，所以要回電；誰知一拎起個電話，已經被雲老一輪機關槍搶白，應都應唔到；第二日睇到八方篇文，更加係成個彈起。罪過，罪過。
八方為咗搞清楚件事，於是問北京老友。佢話，當日霍英東上京開兩會，被記者遇上，失驚無神問佢支唔支持李超人做副主席，咁你話點答呢？唔通話唔支持咩？於是，翌日就有「霍老支持超人」之大字標題。跟住班記者四圍搵人做反應，例如問雲老、問李秀恒啦，愈炒愈熱。超人迫住在業績公布前都要見記者澄清。
成件事就係咁。
E-mail：