梁詠琪（GiGi）今日二十六歲生日，她昨日預先跟約三百位歌迷慶祝生日，現場氣氛熱鬧。GiGi表示今日生日會留在家中看奧斯卡頒獎禮，並會相約孖生弟弟及友人到家中一齊慶祝。而昨日的生日會上，有年約五歲的小男孩上台，但卻不敢向GiGi獻吻。
梁詠琪（GiGi）今日二十六歲生日，她昨日先跟約三百位歌迷在銅鑼灣香港富豪酒店預祝生日，現場氣氛熱烈。壽星女GiGi收到不少禮物，其中有一名年約五歲的小男孩上台獻禮物，台下歌迷即紛紛鼓勵他吻賀GiGi，可是這位小男孩卻嚇得腳震震，有fans笑言他長大後必定十分後悔。
問到GiGi的生日願望，她說：「今年一切都好順利，我嘅願望係拍多啲好戲，演啲好角色，好似《嚦咕嚦咕新年財》咁，個角色真係好難得。」
對於今日會往那裏慶祝，GiGi則說：「我唔會出街，唔離開屋苑，留喺屋企睇奧斯卡頒獎禮。」不過她又說：「我會同細佬一齊約埋大家啲朋友返屋企慶祝，我好怕冷清清，好彩屋企大，可以容納一大班人。」問GiGi為何不與男友鄭伊健一同出埠賀生日，她說：「冇時間，要開新片《絕世好B》，唔可以成日掛住玩。」而GiGi亦未知男友會送甚麼生日禮物給她，她說：「未到正日都唔知，佢唔會講，我亦唔期望收乜嘢。」
對於生日會上不敢獻吻的小男孩，GiGi則笑說：「我見到佢腳震震好慘，大家唔好迫佢，怕嚇親佢。」而昨日經理人公司亦送上約值萬多元的Yamaha限量版結他給她，唱片公司則送上Tiffany首飾做禮物。
採訪：陳梅香 攝影：黃文偉