機場管理局行政總裁彭定中已上任咗咁耐，八方上星期先第一次同佢見面，同枱食飯。
呢位說得滿口流利英語嘅CEO果然有點不同凡響，既解釋得清清楚楚點解要多收十三元保安費，又就珠三角嘅發展前景作全面分析，原來呢個星期佢哋就想完成一個建議，等立法會班尊貴議員可以順利通過畀佢哋可以離開赤鱲角，主動出擊去搵生意。
彭總話，再坐喺度，一定唔掂，乜嘢都係發夢啫，原來佢好緊張七成嚟自珠三角嘅貿運，想親自去同啲客仔傾，以免日後班客俾人搶走。八方見佢咁肉緊，既大談要利用大嶼山土地發展物流園，又話展覽館要先訂明目標，真係講晒大計，好似打到嚟咁，於是問佢究竟對香港點睇，佢一句話，香港要「morefast」即係「行快啲」，否則執輸。
（圖）CEO彭定中滿腹大計，準備帶領機管局展翅高飛。
E-mail：