立法會內務委員會會議，單仲偕帶住個藍色絲帶飾物盒入去開會，重同其他議員傳來傳去欣賞。眼尖的記者認出是Tiffany嘅飾物盒。話說Tiffany嘅飾物當然唔平，荷李活五、六十年代啲女星已經爭相追捧，柯德莉夏萍都鍾意戴。
咁點解單仲偕會有呢個牌子嘅飾物？當然惹起記者的好奇同猜測，於是一班於記者房內的行家隔住玻璃窗，用眼神同手勢向單仲偕遙距發問。單仲偕都未答，坐在旁邊的張文光已經搶住代答，佢畫咗一個用支箭穿住的心形，又指吓個盒。唔通係單仲偕送給太太的禮物？做乜嘢送禮物呢？張文光的答案惹起更多問題。
最後單仲偕出來解畫，原來個盒裝住一個水晶燭台，唔使自己買，而係之前去澳門一個資訊科技講座做主講嘉賓時，主辦單位送嘅紀念品。
（圖）單仲偕手上的飾物盒引起在旁議員的好奇。
E-mail：