財經事務局局長葉澍堃平時講嘢好嚴肅，但前日做「第二屆全港投資精英大賽」頒獎嘉賓就好幽默。佢叫投資者要「求知」，唔好「求其」，唔好盲目跟風，聽貼士買埋啲「嘰哩咕嚕」股，引來台下近千名聽眾哄笑。
前日好多投資專家在座，葉局長都唔客氣，佢話投資秘訣無非係四個字「低買高賣」，但係啲專家通常只係事後話你知邊個係低位。呢個大賽由香港投資者學會同香港電台合辦，《蘋果日報》贊助，得獎者除咗有獎金同獎品之外，大專組嘅冠軍同亞軍，一畢業就會有工做，因為贊助商里昂股票衍生工具部同埋康聯亞洲，會分別請冠、亞軍得主做見習生。呢個時勢玩遊戲玩到有工做，下一屆肯定更多人參加。
（圖）香港投資者學會主席譚紹興（左）致送紀念品予葉澍堃。
E-mail：