陳曉東昨日到跑馬地出席記者會，宣布他稍後將會到日內瓦探訪，被問到梁錦松與伏明霞公開情侶關係一事，陳曉東表示他與伏明霞份屬好友，所以早知此事。
東東開心說：「我上年去北京做春節晚會時識伏明霞，佢兩個好襯，年齡唔係問題。不過分隔兩地，多數用電話維繫感情囉，幾時結婚就冇講，不過我知伏明霞早前為負面新聞唔係好開心。」
而黎明昨日在深圳出席頒獎禮時表示，他與梁錦松及伏明霞都合作過，黎明說：「呢單係美好嘅新聞，佢兩個拍拖好健康，對經濟有推動力，年紀差得遠對女人嚟講唔係問題。」
此外，梁漢文昨日在電台說：「可喜可賀啦，伏明霞係中國跳水員最吸引嘅其中一個，佢無論跳水同樣貌都好好，我自己都會睇佢，我祝佢哋永結同心啦。」
採訪、攝影：汪正文、梁錦雯、陳梅香