曾參與無綫節目《智在必得》的觀眾因不忿被指作弊，前日在尖沙嘴碼頭靜坐期間，服食十多粒安眠藥企圖自殺後被送入院。
Wyman昨早出院，下午在旺角接受本報訪問，Wyman表示因作弊事件令他失去兩份工作，他表示：「TVB話我出貓，我公司董事覺得我誠信有問題炒咗我，如果監製唔出嚟道歉，我會做翻唔到身嘅事，佢哋可以話我犯規，唔可以話我作弊。」問他可怕被人覺得神經失常？Wyman說：「唔搞落去我壓力重大呀。」
Wyman又稱昨日無綫外事部助理總監曾醒明，以及總經理何定鈞都曾致電慰問他。曾醒明昨日在電話說：「我係代TVB打電話去關心件事同佢嘅身體狀況，但TVB立場冇變，我哋係保障其他參賽者嘅公平，希望佢唔好再做過激行為傷害自己。」《智在必得》監製陳志球則說：「我負責監製嘅事，你問番公司啦。」
採訪、攝影：王崇穎