噚日雖然天氣麻麻，但卻係一個宜嫁娶嘅好日子。曾經起過碧麗宮、新光呢啲舊式戲院嘅著名則師梁伯麟，噚日嫁女，佢千金梁青心同拍咗八年拖嘅男友林兆昌終於拉埋天窗，喺堅道聖母無原罪座堂行禮，跟住就喺HKClub宴客，而下個禮拜，雙方新人更會飛去澳洲擺酒㖭。
噚日嚟觀禮嘅，主要係一對新人嘅好友，其中包括馮國經千金馮詠儀，同埋腹大便便、陳四萬嘅姨甥女陸介琳㖭。陸介琳陀嘅係孖胎，佢老公梁振志就全程護住嬌妻，一副二十四孝老公模樣。
﹙圖﹚陳四萬姨甥女陸介琳陀住孖胎，老公全程護妻。
E-mail：