中國當代名畫家吳冠中噚日公開示範速寫維港，吸引近三百名市民去香港藝術館捧場，其中包括一個不請自來嘅特別客人，就係特首夫人董趙洪娉。據知董太前日打電話畀藝術館話要嚟，咁館方梗係要招呼佢啦。
董太好似小畫迷咁，一直企喺吳大師身邊睇佢畫畫，接近尾聲嘅時候，大師準備喺速寫上面加顏色，有記者行家昅到董太個助理，揸住張有香港區旗樣版嘅貓紙，走去同吳大師密斟，好似想佢加埋支區旗喺灣仔會展中心，後來八方見吳大師喺會展頂部，大大筆點咗紅色一點。咁係咪代表區旗呢?八方事後問大師，佢嘅答案係：「不一定。」重話紅點有代表心臟嘅意思，八方再問係咪有人叫佢加區旗上去，大師好有智慧笑住咁講：「我畫畫的時候，甚麼都聽不見的。」
﹙圖﹚香港藝術館特別安排董太坐在吳大師（左）身邊。
E-mail：