其實除咗講老竇，阿董重講咗好多嘢，例如佢承認任內由於要做好平穩過渡，所以好多改革事情都冇做，而且掌握民意又唔係做得咁好，日後要努力搞多啲接觸市民的活動，但佢就話唔會搞乜親民大會，因為人太多，未必接觸到。
除咗一些咁「老積」嘅問題，一樣有些小朋友發問天真問題，例如有小朋友問特首點解公屋唔可以養貓，搞到佢哋搬上公屋後，養開的小貓要變流浪貓。阿董笑住話自己都唔知點解，但會同佢查吓，另外有位小朋友黃嘉豪演講故事，內容生鬼有趣，佢提到日日要背住個十幾磅書包返學，阿董後來都話咁樣唔掂，佢自己都要認真跟進吓咁話！
E-mail：