寶詠琴因為患上急性腎衰竭入院，昨日情況好轉，她向醫院請兩日假返家休息。她透露入院五日洗了四次腎、輸了十幾包血，現時病情很嚴重，一星期要洗兩次腎，並表示缺乏對腎的認識，若早一星期入院，便不用如此辛苦。
九二年曾患乳癌、九五年癌症復發、有抗癌戰士之稱的寶詠琴，周一（十八日）突然因病入院，證實患上腎衰竭。
寶詠琴昨日情況已有好轉，所以向醫生請了兩天假，返家休息，昨日下午二時，醫院發言人劉先生向在醫院外等候的記者表示寶詠琴有說話發表，並邀請記者上醫院七樓一間房間。至二時十五分，寶詠琴坐着輪椅，在助手陪同下見記者，只見戴了太陽眼鏡的她精神不錯。
寶詠琴說：「我𠵱家嘅情況比早幾日好咗好多，有啲進展，所以我同醫生請咗兩日假返屋企，我係患上急性腎衰竭，係癌症嘅後遺症，但只係其中一個原因，我自己一直以來都對腎嘅健康忽視咗。我都唔知今次算唔算係大步檻過，因為未試過咁嚴重，我入院嘅時候，醫生同我講話有可能隨時『瞓低』。如果我早個幾禮拜入院，就唔使咁辛苦，我以後會睇多啲有關腎嘅書。」
寶詠琴透露今次入院洗了四次腎、輸了十多包血，現時一星期要洗兩次腎，她說：「我啱啱洗完腎，應該要瞓一個鐘先，否則會渾渾噩噩，𠵱家我都暈暈哋㗎，不過心急想見咗你哋先啫！我入院後洗咗四次腎、輸咗十幾包血，𠵱家每星期要洗兩次腎，冇話幾時可以康復，如果不幸嘅話，呢世人每日都要洗腎，我冇諗過換腎，因為有排排期，亦冇諗過去第二個國家醫，我問過醫生，佢話𠵱家都係洗住腎先。」
寶詠琴雖然比入院時輕了十磅，但其實是因為之前水腫，實際體重並沒有減輕，她說：「我𠵱家要戒口，所有生果除咗蘋果之外，其他都唔食得，果仁亦唔食得，醃製過嘅菜對腎都唔好，其他嘢就可以食，至於進補，我𠵱家都有食燕窩嘅。
「有呢個病我都好無奈，以前聽到人哋要洗腎都覺得好驚，估唔到𠵱家降臨喺自己身上，當然我會樂觀去面對啦！」
寶詠琴入院後，前度男友蕭永豐、前夫劉鑾雄、仔仔劉鳴煒都有去探望，大家對她都很關心，記者問她一家人見面，是否一齊努力面對病情，她說：「係一齊見面，但唔係一齊努力，大家唔好誤會，仔仔係返咗嚟探我，但已經返咗英國。講到關心，仔仔就一定係，蕭生就出乎意料之外。」記者再問：「咁劉生呢？」寶詠琴想了想回答說：「都有啲意外啦！」
趙曾學韞昨日早上十一時許去探寶詠琴，但卻被拒諸門外，寶詠琴說：「係吖，唔入得嚟，因為我間房有好多儀器，只可以畀兩位親友探訪，其餘嘅都會拒絕，但我都好多謝朋友關心。」
記者問洪