【本報訊】「我足足等咗成四年，至等到今日，真係好開心，阿敏出世後就做手術，希望佢養好身體，唔好咁多病痛就已經好滿足」。港人在內地領養女童殷雪敏終獲東莞市公安局批出單程證，正式成為香港居民。其父殷應芬昨回港後向記者表示，前晚整夜都「瞓唔着」，現時最重要就是在月底帶阿敏往醫院檢查，看看是否再需要做有關肛門移位的手術。
雖然疲態畢露，但昨日仍笑不攏嘴的殷應芬表示，多年來都希望可以領養兒童，並於九八年在港向社會福利署申請，但礙於家庭入息及居住環境不合社署要求，最終被拒絕。其後他返回家鄉，在東莞大嶺山一間醫院看見剛出生的雪敏，便決定領養她，「可能一見如故，覺得佢好得意，所以就揀佢」。
殷父笑稱只有三歲半的阿敏還未懂事，可能等佢十歲時才告知她「真正身分」。而殷太則眼泛淚光向記者表示希望阿敏能畀心機書，「大個之後好似李卓人同劉慧卿議員咁，周圍幫人，回饋畀社會，盡番市民責任」。
殷雪敏對於可以永久留在香港表示非常開心，「可以成日陪住阿爸同阿媽，又有得食糖同蛋糕，所以好開心」。殷家三口昨下午五時才返回將軍澳寓所，殷太更急不及待立即買蛋糕和汽水為阿敏慶祝一番。