各政黨對部長制可說又愛又恨，兩大政黨各自推薦心水人選做部長，自由黨最近不讓民建聯主席曾鈺成專美，黨魁田北俊公開大讚周梁淑怡是部長人選，真係司馬昭之心。
但曾主席日前上電台接受訪問時，又流露出香港政黨的憂慮，擔心部長制七月出爐後，個個部長要好似當年余志穩晚晚落區同啲街坊推銷市區重建賠償方案，又或者好似阿松咁，不時以萬人迷姿態去旺角行吓街，大搞親民騷。八方心諗，屆時政黨搞居民大會，都幾難同部長抝手瓜，好似曾主席咁講，政黨只能同街坊講爭取乜乜乜，但部長就直截了當同市民講數，屆時重使乜議員當中介人呢？
E-mail：