【本報訊】早前遭裕泰興追債的章小蕙，錢債官司接踵而至，昨日又遭信用卡公司入稟區域法院，循民事追討逾十七萬元欠款，連同利息及堂費。章小蕙聲言自己一向紀錄良好，「又唔係冇找數，都唔明點解搞到咁複雜！」她誓要取回積分，否則「同佢死過」！
大來信用証國際（香港）有限公司於入稟狀指，八七年九月起發出信用卡予章小蕙，但截至今年三月七日，章小蕙共欠十七萬四千八百多元。雖多次要求，但她仍未有還款，故現追討該筆十七萬元欠款連利息。
對於被追卡數，章小蕙昨晚離開中環開設的時裝店時表示：「佢哋（大來）睇咗裕泰興追債段新聞後，即刻話要取消我張卡，我一向紀錄良好，又唔係冇找數，點解咁都要取消。佢哋話取消啲積分唔會畀番我，我話唔得，我紀錄良好，如果唔畀番我，我同佢死過。後來佢哋上月十號回覆話得，但我已經去咗歐洲入貨。其實條數好簡單，都唔明點解搞到咁複雜。」
章小蕙又表示離港前忘記寫低支票給公司同事，當同事通知她「大來」催她找數，她為證明不在港，即時在米蘭寫信傳真往銀行解釋。她指：「封信係話我在外地公幹，待我三月返港就會即找數。之後我三月十九日返嚟，二十日即刻找數。」章小蕙昨日出示兩張在二十及二十一日開出給「大來」總數十七萬多元的支票影印本，證明已找妥卡數。
章再補充指自裕泰興追債新聞見報後，帶來很多麻煩。除了遭「大來」暫停信用卡外，其他發卡銀行都向她提出個別要求，「有啲要求將信用額減低，總之搞到我好唔方便。其實呢十七萬係買貨錢，過往我向歐洲入貨可用卡找數，如今張卡被取消，買貨惟有用電滙，做生意都好唔方便！」
案件編號：DCCJ1767/02