因為幫阿松搬櫈，而引發財爺向政府中層開刀，該是搬櫈人士始料不及。
話說阿松連日來在中環鏞記大宴立法會議員，席間話題講到部長制是「肥上瘦下」，有議員認為日後應減少首長級第八級的職位，阿松連忙護駕話佢哋日後重忙，唔係大家想像般咁清閒。
話題一轉，阿松反而講到中層肥胖嘅問題，以搬張櫈為例，佢一個人搬都搞掂；若重啲，搵埋秘書幫手。但有一次官邸要搞啲輕微工作，結果有四個人嚟做，當中一個人負責監督，令商界出身嘅阿松看得非常不順眼。八方所以話，下次老細叫人做嘢，千祈唔好咁多人湧晒埋去，否則惹來大禍。
E-mail：