家庭醫生關嘉美昨日接受本報訪問時表示，急性腎衰竭的起因有很多，包括血壓突然下降、失血過多、休克、細菌感染引致的敗血病、誤服藥物或藥物過量、腎石引起的尿道閉塞、盆腔癌病、甚至感冒等，流感醫得不當都可能會引起急性腎衰竭。
關嘉美醫生說：「其實就唔使咁悲觀嘅，我畀寶詠琴嘅意見係要積極啲，成日保持微笑，開心就乜都復元得快，最緊要有信心，而且𠵱家科技同醫療咁先進，唔使咁擔心。嚴唔嚴重就見仁見智，視乎佢因為乜嘢原因病發，如果係偶然一次嘅，例如食錯藥，咁復元之後就應該唔會翻發。如果係慢性病引起嘅，手尾可能會長啲，洗腎只係清除身體嘅毒素，腎功能慢慢可以恢復嘅話，就唔使依靠儀器洗腎，視乎身體保養得好唔好。」
採訪：張止寒