香港有唔少信佛及拜觀音人士，原來𠵱家有唔少善男信女北上深圳選購佛像及其他供奉祭品，貪其造工細緻兼且隨時比香港平一半有多。
呢尊坐蓮觀音以陶瓷製成，Size有成36吋高，擺喺屋企供奉最合適。呢尊觀音喺潮州生產，手工非常精細，加上觀音嘅面相十分慈祥，喺香港買嘅話隨時要$1,300，而喺深圳只需?680就搞掂，差不多平一半咁滯。
售價：?680
喺深圳，幾乎乜嘢品牌嘅優質檀香及沉香都有得賣，例如老山檀香、印度正老山檀香及正島沉香，真係貨種齊全，而且售價比香港平好多。香港賣$150以上，而呢度則只售?80至?138不等，難怪店主話有唔少港客上嚟搵佢哋攞貨返港批發㗎！
售價：?80—?138
呢個圓形釋迦牟尼佛光燈，直徑有12吋闊，除咗可以坐枱畀大家供奉外，圍邊更加以閃燈轉動，而且係用直流式電源，一插插蘇就可長開長着。另一樣最正斗之處，呢個燈座更可播放大悲咒佛經，相信信佛人士會覺得幾有創意。
售價：?180
彩虹佛緣閣
電話：（86-755）2182979
地址：深圳市東門友誼城百貨金世界商業中心後一樓5號舖（深圳戲院對面）
營業時間：早上8:30至晚上11:00
交通：從羅湖關口前往，乘的士約5分鐘，車費?12.5。