我Apple姐上星期咪話想去沈德寶莉健身中心「BodyByDeborah」度做gym，結果摸門釘，咁打電話畀沈德寶莉，佢話噚日會開番門做生意。 點知我約埋班姊妹踩上去，結果嗰度都重係重門深鎖，烏燈黑火，真係令我Apple姐好失望。 以我Apple姐嘅性格，梗係打電話畀佢問個明白啦！咁點知佢嘅職員打番畀我話公司希望喺復活節可以重開，事關重組計劃有啲變動，重未可以公布住，遲啲有進展，就會開記招喎！