周星馳前晚由日本返港，對於早前寰宇總裁林小明表示發律師信給他，追究二人合資的《少林足球》推出副產品，但沒分利潤給寰宇，星爺前晚指已發律師信予寰宇，但昨日在電話中又表示純屬講笑。
周星馳（星爺）前晚由日本返香港，對於星爺推出《少林足球》副產品，惹該片投資者寰宇電影總裁林小明不滿，並向星爺發律師信一事，星爺前晚表示他亦有向寰宇發律師信，但卻不願透露發信原因。
星爺與寰宇電影合資的《少林足球》大收旺場，連帶推出的網上遊戲、VCD及漫畫等副產品都大收一筆，但早前寰宇電影總裁聲言已向星爺發出律師信，要求對方解釋未有分發利潤給寰宇的原因。
星爺前晚從日本宣傳《少》片返港，首次對事件開腔。問星爺有否收到律師信，他沒正面答覆，他說：「真係唔知喎，我一路有發律師信畀佢（寰宇）就真。點解？呢啲嘢我唔答，法律係好嚴肅好認真，律師信嘅嘢唔係娛樂新聞，要分得好清楚。」星爺昨再接受本報電話訪問，他竟推翻前一晚的言論，表示他發律師信予寰宇一事純屬講笑。
而寰宇總裁林小明昨在電話中說：「我公司發過律師信畀佢（周星馳）係千真萬確，封信要求佢作出解釋，係咪電影公司拍出嚟嘅嘢可以唔使通知投資者就出產品？我哋亦收過佢回應嘅律師文件，但就唔係告人嘅信。」問林小明星爺發出的律師文件內容，林小明說：「都冇實際嘢講到，兜嚟兜去。我都有人搵星仔傾過，佢都係冇正面回覆，我先白紙黑字發信畀佢，公道自在人心，如果佢冇份投資，我告咗佢㖭啦。」
另外，關之琳（之之）和男友黃家諾前晚前後腳步出機場，二人由泰國返港，但黃家諾竟謂自己一人去泰國，而謝霆鋒則於台北宣傳返港。
採訪：朱芷瑩
攝影：馬啟然