英國時裝係當地一項重要商貿，每年都有至少帶來過億數字收入，數字背後的一大堆設計師，唔知大家識幾多，年年都有的UKCut又有幾多個重係當紅重健在，今日就趁UKCut開騷，同大家回憶一下兩次UKCut之後，其實重有乜設計師喺香港重有人記得，而且重有得賣。
可能成個潮流都受所謂街頭服所影響，今時今日曾來過香港做騷的品牌中，以街頭服行先的YMC同FAKELONDON最好賣。至於設計上，不難發現英式的BullDog、UnionJack，米字圖案為主。老實講，買佢地一件衫好襟興，因為英國嘢就係咁經典，而不少本地明星都有追捧：包括陳慧琳、GiGi等。
有幾個品牌就係UKCut後極少曝光，TracyBoyd，Bent&Corrupt等都失蹤了。其實Bent&Corrup設計不錯，玩洗水玩針織做得極佳，但香港地冷天氣日子不多，而且玩洗水後有太多本地品牌老翻抄襲！TracyBoyd當時以參加完LondonFashionWeek為名來港，而且得過的NewGenerationAward，但係香港反而少人識。
UKCut今年已係第3次，近日大熱幾位新人都會來港，包括有：喺英國讀STMartin的CassandraPostema，雖然各外地雜誌都狂谷佢，加上去埋LondonFashionWeek，但相信一向只愛名牌的香港人，睇完後真係會唔記得晒。另外重有當紅的Maharishi。至於喺英國同日本都幾出名的TristanWebber相信係一黑馬！請留意我們對今屆UKCut之報道。
時間：今日（3月22日）
地點：麗嘉酒店
其實係由英國領事館做搞手，主要係將唔同風格的英國設計師連埋一齊，每年到香港宣傳一番，當中唔少Collection都會喺香港名店如西武等地售賣。UKCut的展間，除了可以睇到香港人外國品牌衫外，難得係連設計師都會專程來港，可以一睇其真面目，而且行騷更有不少名人，好似之前曾找來許志安，林保怡做模特兒。