頒獎禮昨午在君悅舉行，八方坐恒生張枱，隔籬係另一贊助者霍震霆，而前面就見到四洲集團老細戴德豐，佢近日因為代糖件事人氣急升。講番個獎，《蘋果》今年都算成績唔錯，一共攞咗八個獎項，包括圖片組全年大獎，八方恭喜影得此相之同事周志鴻時，見佢笑得好開心，呢張相好多行家都有，但影到個窗完全冇反光者就只得佢，所以實在好難得。
除咗周志鴻張正相，《蘋果》亦憑「九一一」新聞奪得版面設計獎，八方諗起當晚飛機撞落世貿中心時，大家初時都唔信，跟住就成個星期唔使點瞓，攞獎，背後真係要好多人努力至得。恭喜晒，各位得獎同事、行家。
E-mail：