台灣《壹週刊》爆李登輝秘密戶口機密文件，搞到阿扁政府要拉人封艇，重成為國際事件，阿扁今次真係失晒分，其實邊個地方都有傳媒大爆政府機密文件，就算香港行政會議當年都試過洩露開會文件，八方聽聞當年老董曾經為呢件事，親自查問過班行會成員，後來重搵埋煲呔出馬徹查。
八方聽知情人士講，當年某報逢星期一就例牌有行會星期二開會內容，明顯係有人爆料，後來重愈做愈出位，竟然將文件內容搬字過紙，慌死冇人知佢抄文件咁，後來有行會官守成員睇到眼火爆，拿住剪報走去向老董投訴，老董於是搵煲呔去徹查喎！
E-mail：