昨日頒獎禮，阿董做主禮嘉賓。佢行完全場欣賞在場展示之得獎作品，八方見佢睇到煲呔曾一張「角色分裂」的照片時，哈哈大笑好開心，可能連佢都未見過呢位下屬咁有趣的一面。
不過，阿董頒獎時就有啲失禮。話說圖片組同寫作組全年大獎分別由《蘋果》同《明報》奪得，阿董聯同主席評判查大俠、岑才生、報業公會主席李祖澤一齊上台頒獎。可能查大俠見到其中一位得獎者來自佢一手湊大的《明報》，所以特別興奮，突然要求發言講吓點解《明報》篇「沙塵暴」文章會得獎。
雖然查大俠口音唔易聽得明，而且主要係重複篇報道內容，但老人家講到投入，台上阿董卻同李祖澤交頭接耳，細聲講大聲笑，完全當查大俠冇到，至於在場者亦唔係好耐煩，工作人員則唔知點好，場面幾尷尬。
﹙圖）查大俠（左）即場爆肚爆得興起，滔滔不絕，連在旁的司儀姐姐都不好意思叫停他。
E-mail：