來自江蘇的模特兒蔣怡，在周星馳主演的生力啤廣告中，成功憑如夢一角出位。現實生活中的蔣怡是個貓癡，除收養了六隻被遺棄的貓外，家中很多小擺設和毛公仔都離不開「貓樣」。
愛心爆棚的蔣怡（CoCo）只飼養被遺棄的貓，故她家中的六隻頑皮「仔女」，其中兩隻是在由周慧敏拍宣傳片的「保護遺棄動物協會」領養，另外三隻來自「愛貓救世軍」，一隻則是她自己在街上拾回家的。
雖然六隻愛貓都是街貓出身，但在CoCo薰陶之下，全都培養出藝術情操，每晚不聽古典音樂就不能入睡。
在CoCo眼中，貓跟人一樣都會分黨分派，六隻貓自成兩黨，一黨性格極Cool，取名皇帝幫。另一黨因向主人求食時，態度猶如乞食，故被喚作丐幫，CoCo說兩幫永遠自成一國，不會踩過界。
因街貓怕陌生人，故採訪當日一見記者，六隻貓統統躲起來，要CoCo在牀下底尋找牠們，弄至CoCo滿身大汗，始終未能成功集齊六隻貓咪跟主人來張大合照。
而除了貓之外，CoCo還養了四隻倉鼠，貓鼠共處一室，她說：「平日我見佢哋只係圍住啲倉鼠，以為相安無事，點知有日我返屋企見到其中一隻貓個口含住一隻倉鼠，嚇到我撲埋去救佢，之後我就將佢哋隔開，遲啲我打算養埋狗，我相信貓、鼠、狗有日可以和平共處。」
採訪：盧雪琪攝影：仇志德