四十九歲的向華勝與二十六歲的女友張玉珊拍拖五年，更兩度傳出婚訊，可惜一直只聞樓梯響，不過向華勝終證實將於今年底正式迎娶張玉珊，婚禮會選擇在東南亞舉行。
永盛電影公司老闆向華勝與張玉珊相戀五年，由前年開始，兩人已有結婚計劃，原本向華勝打算在前年六月偕女友到歐洲結婚，更會包專機邀請香港親友觀禮，但因張玉珊忙於修身堂生意，令結婚計劃一再拖延。
不過向華勝一直希望能夠給予女友張玉珊正式名分，所以他已計劃今年十二月迎娶佳人，而長兄向華炎則會做主婚人，最近向氏家族已開始籌辦此囍事。
記者昨日致電向華勝，他說：「婚期的確定咗喺年底，不過唔會喺香港擺酒，會改去東南亞搞婚禮，我鍾意陽光與海灘，所以都係唔去歐洲，喺亞熱帶地方行婚禮好過，𠵱家我重未買結婚戒指，當然唔少過三卡鑽石啦！」
張玉珊對於男友終於定好佳期感到十分開心，她在電話中說：「之前計劃兩次去外地結婚都結唔成，係因為我搞生意太忙，唔可以離開香港太耐，始終籌備婚禮好嘥時間。」
張玉珊續道：「今次婚禮會由佢（向華勝）負責籌備，我就唔會理，雖然有傳聞話我收到結婚戒指，實際就未收到。」