四十七歲地盤工人阿豐，日前因肝癌逝世，遺下泰國籍華裔妻子阿銀與一對在學兒女，彷徨無助。蘋果日報慈善基金即時撥款二萬元，助遺孀阿銀支付亡夫殮葬費，以解燃眉之急。
「阿豐喺農曆新年前覺得周身唔舒服，要入醫院二十四小時吊鹽水，我已經擔心佢好難捱落去。早幾日我去接細女放學嗰陣，收到醫院姑娘電話，話阿豐好危險，我即刻趕去醫院，但去到阿豐已經死咗！」新寡阿銀傷心地說。
阿銀十五年前經朋友介紹在港認識阿豐，及後共諧連理，婚後育有兩名現年十歲及七歲子女，現分別就讀小學五年級和二年級。阿銀說，丈夫阿豐是水上人，其祖父及父親均以捕魚維生，阿豐長大後移居岸上，從事地盤工人二十多年，婚後是家庭經濟支柱。
阿豐突然病逝，遺下孤兒寡婦頓失所依。「對仔女一向自己識交齊功課，讀書成績幾好。自從阿豐過身之後，兩兄妹都唔多出聲，重連續兩日做漏功課，於是我問佢哋﹕「『係咪因為爸爸死咗，所以好唔開心呀？』兩兄妹就即刻喊得好犀利，我惟有攬住佢哋一齊喊。」阿銀流着淚說。
待情緒稍稍平復後，四十歲的阿銀說﹕「我打算幫阿豐火葬，但我冇積蓄，惟有靠社工轉介社會福利署申請殮葬津貼，用埋啲帛金，再向朋友借錢，希望可以籌夠錢應急。」
阿銀歎謂，她雙親和姊妹靠務農維生，在泰國的生活一向艱苦；阿豐則有兩名兄長，但各有家庭負擔，難以給予阿銀經濟援助。至於日後與一對子女的生計，阿銀已向社署申請綜援金，有待當局審批。
蘋果日報慈善基金了解阿銀的苦況後，即時從「殮葬專戶」撥款二萬元，助阿銀支付亡夫殮葬費，應付短暫生活急需。
捐款編號：C0499
暖流熱線
電話：29908688
傳真：23702192
電郵：
網址：