到北海道如果不吃海膽（Uni）與三文魚子的話（Ikura），去一百次也是白去。在香港吃日本海膽，一般價錢都會較貴，美味與肉赤混和，構成另一般滋味。在北海道，不用港幣一百元便能吃到一板海膽，足足有成杯雪糕咁多，見到已大呼感動。抵食係一件事，但係更攞命嘅係嗰種新鮮嘅香甜味。北海道無污染地盛產海膽，雖然唔係即捉即食，但都唔差得幾多個鐘頭，所以真係新鮮到咩咁。
大致形容一下食海膽嘅情形，一見到嬌豔嘅海膽時，大家已經四萬咁口面，將一啖海膽送入口，味蕾發揮作用，雙眼不期然就會瞇成一線，然後有多少反白眼，鼻孔會因為少許的芥末而微微嗡一嗡，口中含着海膽後便再也不捨得張開，但又急欲發表那份讚歎，於是便得到一聲長長的「唔……」。
三文魚子也是極品，晶瑩通透得像是琥珀，一粒一粒魚眼大小。放入口中輕輕一咬，「波」的一聲，精華汁液盡情爆漿，似鹹非鹹，似甜非甜，反正是鮮得緊，鮮得醉人。
北海道非常流行「海膽、三文魚子撈飯」，普遍不會超過一百港幣一碗。海膽與三文魚子多得鋪天蓋地，根本看不見白飯。日本人的吃法是斯文地用筷子夾起一口飯再帶點海膽與魚子一起吃，但肥谷的不理三七二十一大法是加入少許芥末與醬油，然後用筷子將之大撈特撈，直至再看不見完整海膽但每粒飯都呈橙黃色，跟着舉碗大啖大啖扒入口，嘩！唔識點講，唔該自己去試吓。之