講起月餅場功夫Ｌ，正滿肚密圈搞波鞋買賣，可惜𠵱家關刀行貨實在返貨太快，做水貨已難搵食，隨時揩嘢。「早排花園街加記返咗批鱷魚皮AirMax95，打算做獨家生意，搵番餐安樂飯食，點知兩個禮拜唔夠，行貨都話返到，個價重超平，加記被迫即時劈價散貨。𠵱家做波鞋真係苦飯行業，邊有以前咁好景？」
功夫Ｌ講到青筋現眼通紅：「大佬，連雜誌都搞網上散貨，巿價做緊千五，佢哋賣七百幾，我來貨價都唔得喇！你話幾惡做。」相信功夫Ｌ所講係「營養白汁」個跳蚤網頁，靚仔圈內反應唔錯，條橋聽聞係教父Ｐ傑作，你話點會冇Noise？
窮則變變則通，自怨自艾冇用，功夫Ｌ話不如同雜誌合作，慳番舖面成本，反而守得住。其實巿道唔係差，不過要多度橋先搵到食，你估重係以前瞌埋眼開間舖賣乜發乜？學下教父Ｐ多度橋就冇錯。
主持人：大食Jack
八卦熱報：