四年一度的世界盃將於五月底舉行，今屆氣氛比起歷屆都來得熱烈來得接近，除了因為首次在亞洲──日本和南韓舉辦之外，中國隊首次踢入世界盃32強，令不少球迷都希望親赴現場睇波。雖然最近不少旅行社推出平價睇波團，低至數千元都可一睹世界級球星風采，不過旅行團以外，還有其他「旁門左道」，想把握這個二十年內都難再出現的睇波機會，就要留意下文！
記者、部分攝影：周麗懿
（各項評分均以5粒★為最高分）
1穩陣型
方便：★★★★★ 價錢：★★★ 可靠：★★★
現時各大旅行社推出的睇波團，價錢大部分都在數千元至二萬元以下，而球迷的反應亦十分熱烈，據康泰旅行社總經理劉美詩說，目前已經有十五個世界盃團會成行，全部都是韓國團，她說：「我哋去年開始籌備，二月底最先推出四場初賽嘅團，一推出已經爆滿，後來我哋再搞多一團睇南非對西班牙。」雖然跟團未必睇到最心水的賽事，不過就勝在一個價錢，可以睇波和觀光，點都叫去過現場睇世界盃嘛！
旅行團推介
賽事：西班牙對南非＋葡萄牙對波蘭（韓國五天團）三級票
地點：大田球場、全州球場
團費：$8,988
睇乜球星：魯爾、費高、雷哥斯達
點睇法：唔使一萬睇兩場，抵到爆！
旅行社：新華
賽事：中國對哥斯達黎加＋中國對巴西（韓國七天團）一級票
地點：光州、西歸浦
團費：$18,998
睇乜球星：李華度、雲祖柏、李鐵、范志毅
點睇法：中國隊首次踏足世界盃對哥斯達黎加，具歷史意義，點可以唔睇！
旅行社：中旅
賽事：法國對烏拉圭（韓國四天團）三級票
地點：釜山球場
團費：$9,998
睇乜球星：施丹、亨利、韋拉、列高巴
點睇法：上屆冠軍法國隊粒粒皆星，逐個計都抵！
旅行社：永安
賽事：西班牙對巴拉圭（韓國四天團）三級票
地點：全州球場
團費：$11,999
睇乜球星：魯爾、希亞路、摩連迪斯
點睇法：南美褪色勁旅對世界盃黑馬
旅行社：康泰
2度身訂做型：
方便：★★★★★ 價錢：★★ 可靠：★★★★
有十多年搞睇波團經驗的環宇足球遊，今屆就大搞日本睇波團，負責人江國榮說：「日本條線比較多強隊，好多重要賽事都係喺日本嗰邊踢，而且日本亦都係香港人熱門嘅旅行熱點，其實日本啲飛重難攞，所以唔係好多旅行社搞到日本團。」平時幫不少名人做包團的江先生，憑着多年和世界球賽團體的關係，今次手執六十四場賽事的一級門票，可以搞好多不同的旅行團組合，甚至可以應客人要求度身訂做行程，雖然團費比韓國團較貴，但反應一樣熱烈，例如有一團是睇英格蘭對阿根廷，和英格蘭對尼日利亞兩場初賽，團費二萬三千多元，都已經一早爆滿。而他們最近亦推出了世紀決賽三天遊的旅行套餐，團費包機票住宿及一級決賽門票，要睇決賽兼一睹雷米金盃的真身，盛惠$39,800。
賽事：英格蘭對尼日利亞＋德國對喀麥隆（日本四天團）一級票
地點：橫濱國際綜合競技場、宮城
團費：$25,800
睇乜球星：碧咸、奧雲、簡奴、夏文
點睇法：英格蘭分組賽最後一場賽事，實打崩頭！
訂票點：環宇足球遊
賽事：世紀決賽（日本三天旅遊套餐）一級票
地點：橫濱國際綜合競技場
團費：$39,800
睇乜球星：入得決賽，點會無球星！
點睇法：睇捧盃，只此一場！
訂票點：環宇足球遊
3靠自己型：
方便：★★ 價錢：★★★★ 可靠度：★★
不想做鴨仔，不妨趁最後機會上網買門票「執死雞」。世界盃官方網站http://
4有前無後型：
方便：★ 價錢：★ 可靠：★
飛到當地博買「黃牛飛」都算是最後一着。據一些資深的球迷說，九四年世界盃舉行時，場外有頗多的黃牛黨，但上屆法國世界盃已很少黃牛飛。其實買黃牛飛的風險相當高，例如買飛時隨時被便裝警察發現，買家雖然未必有事，不過亦有可能被要求做證人，掃興之餘亦添麻煩。就算幸運地買到飛，由於門票上是有買家的姓名，所以黃牛黨的票有機會已經是被人報失了的門票，甚至有假票的情況出現，到頭來出高價買票兼無得睇，損失就更加慘重。
5等運到型：
方便：★★★ 價錢：★★★★★ 可靠：～
天無絕人之路，最後就是最便宜的方法，就是參加贊助世界盃的商號的抽獎，例如買東芝手提電腦或以手機打電話到盈科保險（打#9366答中問題可自動進入大抽獎，有機會到日本睇波）都有機會贏取門票食宿，不過機會呢？如果為參加抽獎而購買商品的話，就不如拿錢去報團好過了。
查詢電話：
康泰：21088888
新華：27322888
永安：28512030
中旅：27895888
環宇足球遊：81003822