八方日前見到行政會議成員唐英年，對於佢隨時預備上陣嘅報道，佢話完全係一場「好心嘅誤會」，澄清亦已經刊登咗。
不過，董特首成功連任，正如佢自己講，今後五年只許成功，不許失敗，而部長制嘅推行，肯定係其中一場重頭戲，呢場戲重隨時會打頭陣。
為免再引起誤會，八方直截了當問唐少：「董生究竟有冇同你傾過？」呢次佢精咗好多，只係笑而不語。
雖然唐少媽咪愛子心切，為免乖仔太過辛勞，已經開金口話唔想佢離開家族生意，但香港正處危急存亡之際，加上唐英年係董班子嘅核心成員，無論橫睇掂睇，佢始終都係黑馬。
（圖）阿董成功連任，部長制一定唔少得唐英年的份兒。
E-mail：