我Apple姐上星期六（十六日）本來想同班好姊妹，去沈德寶莉間健身中心「BodybyDeborah」度做gym，嗰度早排停業，沈德寶莉話上個星期五會重組開番門做生意㗎，點知打電話去預約，嗰度電話錄音留言話「業務重組尚未完成」，重話要到今個星期五（二十二日）至可以重開，搞到呢排我做唔到gym，真係掃興。
我Apple姐識咗沈德寶莉好耐，咪打個電話畀佢，睇吓究竟幾時開番門，點知成日都冇人聽電話。不過，最後都俾我搵到佢，佢一味話二十二號先可以公布。至於早排佢話搵到人注資，噚日問番佢係咪出咗問題，點知佢話趕住收線。