蜜李貌似黑布冧，但Size則比黑布冧略大少少。
蜜李嚟自澳洲，質感爽脆，帶有蜜味，蜜李比黑布冧更甜及更清香，要辨認黑布冧同蜜李好易，蜜李果皮帶有白色點點，而黑布冧則色澤均勻較少有白色斑點。鍾意爽口不妨試試呢款蜜李。
記者：陳冰麗
$2-$2.5個 各大水果檔有售
這陣子的紅蟹數量較多，幾乎經過每個魚檔都會見到有紅蟹賣。大隻的紅蟹由於數量較少而價錢較高，所以不是每檔都有。但中小型的紅蟹則較多，而且價錢較平，不用五十元買到一斤。這些紅蟹約六両重，都唔算太細隻。選紅蟹時要留意花紋要夠清晰和肚皮要實便是靚蟹。
記者：謝翠玲
$36-$48/斤 各大海鮮檔有售
平時要榨汁、刨蘿蔔茸、隔渣等等，都要用唔同的廚具，不過呢款多用途榨汁器，有成6種用法，包括用來榨汁的榨汁器，刨蘿蔔茸的刨茸器，用來隔渣的隔渣器，分隔蛋黃、蛋白器，漏斗及量杯，一個廚具就有咁多種用途，價錢重好平，夠抵買，不過千萬咪放近高溫，以免變形。
記者：葉少萍 攝影：楊錦文
$14.9/套 銷售點：銅鑼灣實惠