小初上個月中提過耀科國際（143）有高手崔護重來，股價可能有作為，但因為大老闆身體抱恙唔見人係一個問題。點知話口未完，隻股由30仙一路炒上冇回頭。經紀陳話，皆因大老闆即將重回香江，令大家盡釋疑團。
耀科噚日個勢非常之勁，升咗6.5％，收41仙，成交重增至1465萬元，真係好耐冇見過咁熱鬧。
經紀陳話，自從早排大老闆聲稱到加拿大養病後，外間傳聞多多，股價一度被人質到七彩，但好彩30仙重守得住。
就算目前股價重越40仙水平，耀科PE仍不足4倍，周息率有9厘，較同類股份第一電訊（8110）11.9倍PE，1.8厘周息率，耀科仍然便宜。
究竟大老闆幾時重返香江呢？經紀陳話冇咁快，好似下個月出業績時至會同大家見面，至於會否重返董事會做主席，經紀陳就話唔知喎。