球王比利重出江湖，不過並非再踏球壇，而是叫各位男性球迷及非球迷「起來，起來，起來」，當不幸患上「勃起功能障礙」時，唔好恐懼同尷尬，要及早向醫生表白同求醫，佢重以身作則咁話：「如果我有勃起功能障礙，一定會立刻向醫生求診！」
比利會於巴西、日本、意大利同德國等國家，推動關注「勃起功能障礙」活動，亦會喺全世界嘅報章雜誌同電視廣告上現身說法，叫啲男士多多注意。
其實「勃起功能障礙」好普遍，據推動呢個運動嘅美國輝瑞公司（即係生產「偉哥」的藥廠）提供嘅資料，全球有一億四千萬名男士受到呢個問題困擾，而「勃起功能障礙」往往反映該名男士有心血管病、糖尿病、高膽固醇及抑鬱等問題，所以有呢種情況嘅男士，都係快啲聽比利話，要重振雄風，就要快啲起來吧！
E-mail：