雷諾EspaceConcept全新形象富賣點

雷諾EspaceConcept全新形象富賣點

雷諾Espace一向都係以豪華實用見稱,而喺最近舉行嘅日內瓦車展上,廠方就展出咗全新嘅EspaceConcept,並預計此車將會成為新一代Espace嘅模樣,而快者亦可望於年底面世㖭。
從最近收到嘅消息中得知,與同廠VelSatis外形相近嘅EspaceConcept,仍貫徹有原來Espace嘅大型MPV車風采;而闊大嘅車窗設計,除可令車上乘客有更廣闊嘅視野外,一組直立式尾燈亦能給予尾隨車輛有明確提示。至於車廂方面,車內除備有承托力甚高嘅座椅,以及寬敞嘅車廂空間外,設備配搭又見齊全,使用時十分方便,就連車頂更備有偌大嘅雙天窗配搭,因而令乘客可有更多親近大自然嘅機會。
而廠方亦會為用家提供多個引擎配搭選擇,當中頂級版預算會選用一台3.5公升V6引擎,馬力輸出甚為強勁,用以驅動此車可謂綽綽有餘。