投資銀行趁市況好轉，紛紛將手上存貨推上市。年假過後，八方與一些賓卡朋友閒談，他們都說太多公司排隊上市，為免魚缸水被抽乾，所以都要篩選下，將部分存貨留起，而八方近排每星期都要去幾家公司的招股及上市儀式，去得多亦覺得有啲悶。
不過，昨日八方去台資美容產品商「自然美」的招股儀式，忽然眼前一亮。一般招股記者會，記者多數都係排排坐，但昨日就好似去飲咁，一圍圍，大會重請咗多位上海靚女，手捧香薰分坐到每一席上。據悉，這班靚女是自然美去年在上海舉辦選美的一班獲獎佳麗。
有靚女當然有精神，但論吸引，自然美仍遠不及當年之黛麗斯，記得呢間名牌內衣生產商上市時，全中環的芬佬都去撲請帖呢。
（圖）「自然美」請來成班上海靚女撐場招股記者會，想瞌眼瞓都幾難。
E-mail：