煲呔曾成日話要提高公務員的英文水平，但看來舊有官員的兩文三語亦會偶有失手。好似昨日立法會開政制事務委員會，孫公孫明揚一邊用英文讀一條關於外國離任高官的條文，一邊繙譯做中文時，議員吳靄儀突然「啊！」一聲大叫。八方以為發生乜事？點知原來吳大狀係俾孫公的繙譯嚇親！
話說孫公講到當一個地方的前高官轉做另一份職務時，「shouldbenocauseforanysuspicionofimpropriety」，孫公將呢句譯成「公眾唔應該抱着懷疑眼光」；但係吳大狀就立刻指正佢，話呢句應該係話前高官「唔好引起公眾懷疑或者關注」，孫公差唔多將成句嘅意思調轉嚟講。
孫公俾人咁寸法，一啲都冇光火，反而自認在法律上冇乜鑽研，才疏學淺，重保證以後會做多啲功課㖭！
E-mail：